असित बनगे : आवाज इंडिया प्रतिनिधी

रूकडी : रुकडी, तालुका हातकणंगले हे सुमारे 30 ते 35 हजार लोकसंख्येचे गाव आहे. परिसरातील सर्वात मोठे गाव म्हणून गावाला ओळखले जाते .येथे जिल्हा परिषदेच्या प्राथमिक आरोग्य केंद्रात दररोज सुमारे 80 ते 100 रुग्णांवर उपचार होतात .पण सध्या रूकडी येथील प्राथमिक आरोग्य केंद्रात आरोग्य अधिकारीच नसल्याने रुग्णांची प्रचंड हेळसांड होत आहे.

येथील आरोग्य अधिकारी मुजावर काही दिवसांपासून आरोग्याच्या कारणास्तव रजेवर आहेत. मात्र त्यांच्या जागेवर आरोग्य विभागाने अजूनही दुसऱ्या अधिकाऱ्याची नेमणूक केलेली नाही. अधिकाऱ्याविना आरोग्य केंद्र बंद असल्याने गरीब रुग्णांना खाजगी रुग्णालयांचा आधार घ्यावा लागत आहे .यामुळे गोरगरीब रुग्णांना खाजगी रुग्णालयाचा भरमसाठ आर्थिक भुर्दंड सोसावा लागत आहे.