कोल्हापूर ता.09 : पावसाळयापुर्वी नाल्याला अडथळा होणाऱ्यां चार अनाधिकृत बांधकामावर कारवाई करुन सदरची बांधकामे काढून घेण्यात आली आहेत. यामध्ये सम्राटनगर येथील नाल्यामध्ये असलेले अनाधिकृत बांधकाम, गुंजन पॅराडाईज अपार्टमेंटची ओढयामध्ये बांधलेली रिटेनिंग वॉल, मंडलिक वसाहत येथील नाल्यावरील अनाधिकृत पूल व गोखले कॉलेज जवळील नाल्यावर स्लॅब टाकून उभा केलेल्या टपऱ्यांवर हि कारवाई करण्यात आली. सदरची कारवाई नगररचना व विभागीय कार्यालयाच्यावतीने करण्यात आली आहे.