कोल्हापूर;  
         राज्य राखीव पोलीस बल वर्धापन दिन सप्ताहाच्या अनुषंगाने विविध कल्याणकारी कार्यक्रम व महाराष्ट्र सुरक्षा महामंडळ प्रशिक्षणार्थी  सत्र क्र. 66 - आय दीक्षांत संचालन परेड सोहळा नंदवाळ  परेड मैदान येथे समादेशक डॉ. प्रशांत अमृतकर यांचे प्रमुख  उपस्थितीत  मोठ्या आनंदात पार पडला.
           महाराष्ट्र सुरक्षा महामंडळाच्या जवानांनी  परेडचे दिमागदार संचालन केले. 6 मार्चपासून पूर्ण आठवड्याभरात  डॉ. अमृतकर यांचे मार्गदर्शनाखाली  हर्ष फायर परेड, पोलीस पाल्य  व इतर शाळांच्या विद्यार्थ्यांच्या   धावण्याच्या स्पर्धां, शस्त्र प्रदर्शन, वाहतूक नियम कार्यशाळा, विद्यार्थ्यांकरिता करियर मार्गदर्शन, शहरातील महत्त्वाच्या ठिकाणी बँड डिस्प्ले  पोलीस कुटुंबीय व  परिसरातील नागरिकांकरिता आरोग्य शिबिर, जवळच्या  गावांमध्ये स्वच्छता अभियान अशा विविध समाजउपयोगी कार्यक्रमांचे   आयोजन केलेले होते.
         समादेशक डॉ. प्रशांत अमृतकर यांची विद्यार्थ्यांबद्दल  व समाजाबद्दल सेवा करण्याची तळमळ या उपक्रमांमधून दिसून येत असल्याने पूर्ण करवीर कोल्हापूर वाशीयांकडून कौतुक केले जात आहे. 
         सदर सर्व कार्यक्रमाकरिता  सहाय्यक समादेशक  एस एन सदाशिव, पीआय अजय लिपारे, पीएसआय गेंगजे, पीएसआय  डोंगरे, पीएसआय पवार, पीएसआय गुजर तसेच राज्य राखीव पोलीस दल गट क्र. 16 कोल्हापूर येथील सर्व पोलीस अधिकारी  व अंमलदारांचा सहभाग मोठ्या प्रमाणावर असल्याने  पोलीस व सामान्य जनतेमध्ये एक सलोख्याचे वातावरण निर्माण होण्यास मदत होत आहे.