.
कोल्हापूर
विश्वरत्न डॉ. बाबासाहेब आंबेडकर यांनी मानव जातीला आदर्श निर्माण करून दिला. त्यांच्या पत्नी रमाई आंबेडकर यांनी सुद्धा त्यासाठी खूप मोठा त्याग केला आहे; त्यामुळेच आम्ही सर्वजण संविधानाच्या माध्यमातून आनंदात आहोत, असे प्रतिपादन आजी-माजी विद्यार्थी संघटना शिवाजी विद्यापीठाचे डॉक्टर प्रवीण कोडोलीकर यांनी केले.
ते विचारे माळे येथे निळा रक्षक यांच्या वतीने रमाई आंबेडकर यांच्या जयंतीनिमित्त बोलत होते.
डॉक्टर कोडोलीकर म्हणाले, 'एखादे चांगले कार्य करायचे असेल तर त्यासाठी पत्नीचा त्याग सुद्धा महत्त्वाचा असतो'.  रमाई यांनी अनेक हालअपेष्टा सहन करत बाबासाहेब यांना कायमच पाठिंबा देण्याचं काम केलं. त्यांचा त्याग समाज कधीच विसरणार नाही.
यावेळी अनिल भोसले,अनिल माने, विराज सुतार, राहुल शिंदे, नितिन शिंदे, निलेश शिंदे, रोहन वाघमारे, राजू भंडारे,सतिश साळवे, आदी मान्यवर उपस्थित होते.