बेघर पुरुषाला अवनि संस्था व कळंबा ग्रामपंचायत यांनी उपचारासाठी केले सी. पी. आर. मध्ये दाखल
schedule28 Sep 22 person by visibility 541 categoryसामाजिक
बुधवार 28 सप्टेंबर 2022
अवनि संस्थेमार्फत मानसिक आजारी पुनर्वसन प्रकल्पाअंतर्गत सर्व्हे दरम्यान कळंबा ग्रामपंचायत समोर एक पिडीत बेघर पुरुष आढळून आला असता त्याची चौकशी केली. या पुरुषाच्या उजव्या पायाला खूप मोठी जखम झाली होती व जखमे मुळे पायाचे मधले बोट कट होत असल्याने त्याला चालता ही येत नव्हते. ही गोष्ट अवनि संस्थेचे कार्यकर्ते अक्षय पाटील यांच्या निदर्शनास आल्यानंतर सदर बेघरास कळंबा गावचे सरपंच मा. सागर भोगम ग्रामसेवक दिलीप तेलवी तलाठी पुरुषोत्तम ठाकूर
क्लार्क विशाल सोनुले व अमोल पाटील कर्मचारी यांच्या मदतीने 108 ऍम्ब्युलन्सच्या माध्यमातून सदर बेघर पुरुषास सी. पी. आर. मध्ये उपचारासाठी दाखल करण्यात आले. सध्या औषधोपचार सुरु असून उपचार पूर्ण झाल्यानंतर संस्थेमार्फत पाठपुरावा करून सदर इसमाचे पुढील पुनर्वसन करण्यात येणार आहे. ही प्रक्रिया अवनि संस्थेच्या अध्यक्षा मा. अनुराधा भोसले व उपाध्यक्ष संजय पाटील यांच्या मार्गदर्शनाखाली अक्षय पाटील यांनी पूर्ण केली. यावेळी पुष्पा कांबळे व विशाल पिंपळे यांची मदत झाली.
