+91 976 502 4443 | awajindialive1@gmail.com |
Breaking News
adjustपेन्शन संघटनेच्या वतीने १४ जून रोजी जिल्हा परिषद समोर धरणे आंदोलन adjustसेनापती कापशीतील ५६६ घरकुलांना तातडीने प्रॉपर्टी कार्ड द्या* adjustशक्तीपीठ महामार्ग विरोधी संघर्ष समिती* adjustपरदेश शिष्यवृत्तीसाठी पात्र विद्यार्थ्यांनी 12 जुलै पर्यंत अर्ज सादर करावेत adjustनिवृत्त कर्मचाऱ्यांसाठी पेन्शन अदालतीचे आयोजन adjustडी. वाय. पाटील अभियांत्रिकीच्या पार्थ पाटीलला* *ब्रिटिश विद्यापीठाकडून 100% शिष्यवृत्ती* adjustरिमझिम गिरे सावन....' ने कार्यक्रमाची उंची वाढवली adjustडी वाय पाटील अभियांत्रिकीचा* *इगलट्रोनिक्स एव्हिएशन सोबत सामजस्य करार adjustडॉ. बापूजी साळुंखे अभियांत्रिकी महावि‌द्यालयात विविध शिष्यवृत्ती योजना जाहीर adjustआवड आणि क्षमता लक्षात घेऊन योग्य करिअर निवडा*
schedule14 Feb 23 person by visibility 215 categoryक्रीडा

कोल्हापूर:
डी वाय पाटील ग्रुपच्या वतीने विद्यापीठाचे कुलपती डॉ संजय डी पाटील यांच्या वाढदिवसाचे औचित्य साधून दरवर्षी भव्य क्रिकेट मॅच स्पर्धेचे आयोजन करण्यात येते. यामध्ये डी वाय पाटील कृषी व तंत्र विद्यापीठाने सलग दुसरा विजय मिळविला तर संघाचे उपकर्णधार किशोर मोरे हे दोन्हीही मॅच चे मॅन ऑफ द मॅच ठरले.
एटीयु संघाचा पहिला सामना मेडिकल कॉलेज संघ कोल्हापूर यांच्याशी झाला. एटीयु संघाने १०९ धावांचे तगडे आव्हान दिले होते पण मेडिकल कॉलेज संघ अवघ्या ५५ धावातच गारद झाला.
दुसरा सामना नर्सिंग कॉलेज कदमवाडी संघाबरोबर झाला त्यांच्यापुढे ही एटीयु संघाने ७६ धावांचे आव्हान दिले पण त्यांचा ही संघ ५३ धावात आटोपला.
किशोर मोरे यांनी पहिल्या मॅच मध्ये २६ चेंडूत ७३ धावा तर दुसऱ्या मॅच मध्ये २७ धावा व महत्वपूर्ण २ विकेट घेतल्या त्यामुळेच आज ते अव्वालस्थानी आहेत.
पहिल्या सामन्यात डॉ गुरुनाथ मोटे व किशोर मोरे यांनी अर्धशतकी भागीदारी करून संघाची धावसंख्या १०० च्या पुढे नेली. राजवर्धन तोडकर व सौरभ पाटील यांनी उत्कृष्ट क्षेत्ररक्षण करीत संघाच्या अवांतर धावा वाचविल्या.
डॉ दीपक शिंदे, डॉ. गुरुनाथ मोटे व सचिन व्हनवडे यांनी उत्कृष्ट गोलंदाजी केली.
संघाचे कर्णधार प्रा.दिग्विजय मोहिते यांनी याबद्दल आनंद व्यक्त करीत यशाचे सर्व श्रेय संपूर्ण टीम ला दिले.
यामध्ये कर्णधार दिग्विजय मोहिते, उपकर्णधार किशोर मोरे, गुरुनाथ मोटे, राजवर्धन तोडकर, विशाल पुनदीकर, जयदीप पाटील, जयंत घाटगे, अभिजित शिंदे, विनायक शिंदे, दीपक शिंदे, सौरभ पाटील, संग्राम पाटील, सचिन व्हनवडे, चंद्रमोहन पवार, शंकर पुजारी, योगेश चिमटे, उत्कर्ष आवळेकर यांचा समावेश आहे.
या यशाबद्दल कुलगुरू डॉ के प्रथापन व कुलसचिव डॉ जे ए खोत यांनी सर्वांचे अभिनंदन करून पुढील वाटचालीस शुभेच्छा दिल्या.