स्वातंत्र्याच्या अमृत महोत्सवानिमित्त ग्रीनफन फौंडेशनच्या वतीने वृक्षारोपण
मुंबई प्रतिनिधी :
स्वातंत्र्याच्या अमृत महोत्सवाचे औचित्य साधून ग्रीनफन फौंडेशनच्या वतीने केशव व्यायामशाळा मैदान, मालाड वेस्ट, मुंबई याठिकाणी बॉलीवूड अभिनेता कृष्णा चतुर्वेदी यांच्या हस्ते 75 वेगवेगळी पर्यावरणपूरक झाडे लावून वृक्षारोपणाचा कार्यक्रम पार पाडला.
त्यावेळी अभिनेते कृष्णा चतुर्वेदी यांनी उपस्थित लोकांशी संवाद साधताना म्हणाले , सर्वांनी एकत्र येऊन देशाला स्वच्छ व हिरवेगार केले पाहिजे त्यासाठी वृक्षारोपण करायला हवे. शहरांना प्रदूषणमुक्त करण्यासाठी खूप मोठ्या प्रमाणात वृक्षलागवड केली पाहिजे. मनुष्याला शंभर वर्षे जगायचे असेल तर झाडेचं लावली पाहिजेत. वृक्षप्रेम हे ईश्वर प्रेमाप्रमाणेच आहे ते सर्वांनी करायला हवे. सर्वांनी आपल्या सोसायटीमध्ये, शाळेमध्ये, हॉस्पिटल परिसरामध्ये किंवा जिथे मोकळी जागा मिळेल तिथे वृक्षारोपण करायला हवे.
यावेळी ग्रीनफन फौंडेशनचे अध्यक्ष हणमंत दडस, संचालक अमोल बावस्कर व अनुराग चतुर्वेदी तसेच मैदान कर्मचारी आणि इतर संस्थेचे सभासद उपस्थित होते.