Awaj India
Register
Breaking : bolt
आर्किटेक्चर नंतर करिअरच्या* *अमर्याद संधी - डॉ. ए. के. गुप्ता*नैसर्गिक आपत्तीमुळे नुकसान झालेल्या शेतकऱ्यांना कधी भरपाई देणार**डी. वाय. पाटील मेडिकल कॉलेजमध्ये* *शनिवारी ‘डायबेटिक फूट’वर परिषद*अतिसार थांबवा अभियान’ प्रभावीपणे राबवा - जिल्हाधिकारी अमोल येडगे*खाजगी प्राथमिक शिक्षक सेवक सहकारी पतसंस्थेचा १०० कोटी ठेवींचा टप्पा पूर्ण* :वैद्यकीय शिक्षण मंत्री हसन मुश्रीफ यांच्या कडून विविध विषयांबाबत जिल्हाधिकारी कार्यालयात आढावा*वनस्पतीच्या वाढीसाठी मुळांचे आरोग्य महत्वाचे – प्रा. डॉ. के. प्रथापन* चुये येथे बेंदूर सण उत्साहात साजरावह्याची मदत गोरगरीब विद्यार्थ्यांच्यासाठी, आभाळा इतकी; डॉ. राजन गवसव्हनाळी उपसरपंचपदी संजयबाबा घाटगे गटाच्या अश्विनी जांभळे यांची निवड

जाहिरात

 

प्रा . विठ्ठल मारुती पाटील यांचे पश्चिम महाराष्ट्रातील आदिवासी महादेव कोळी जमातीवर संशोधन

schedule07 Feb 20 person by visibility 3627 categoryशैक्षणिक

कोल्हापूर -
 प्रा . विठ्ठल मारुती पाटील यांना स्वामी रामानंद तीर्थ मराठवाडा विद्यापीठ , नांदेड यांचे कडून भूगोल विषयातील लोकसंख्याविषयक अभ्यासांतर्गत , " ए डेमोग्राफिकल स्टडी ऑफ कोळी महादेव ट्रायबल कम्युनिटी इन चंदगड तहसील ऑफ कोल्हापूर डिस्ट्रीक ( महाराष्ट्र ) ” या विषयातील संशोधनासाठी पीएच . डी . पदवी प्रदान करण्यात आली . त्यांचे वडील   मारुती हुवांना पाटील हे प्रादेशिक परिवहन कार्यालय , कोल्हापूर येथून स्केल ऑपरेटर या पदावरून सेवानिवृत्त झाले आहेत तर आई सौ . सुवर्णा पाटील या गृहिणी आहेत . त्यांनी आपले महाविद्यालयीन शिक्षण विवेकानंद कॉलेज कोल्हापूर , डॉ . डी . वाय . पाटील शिक्षणशास्त्र महाविद्यालय कोल्हापूर , विद्याप्रतिष्ठानचे शिक्षणशास्त्र महाविद्यालय बारामती , शिक्षण महर्षी ज्ञानदेव मोहेकर महाविद्यालय कळंब , राजर्षी शाहू महाविद्यालय लातूर तसेच महात्मा बसवेश्वर महाविद्यालय लातूर ( संशोधन केंद्र ) येथून पूर्ण केले आहे . महाराष्ट्रातील महादेव कोळी - १९५५ डॉ . जी . एस . घुर्ये व सह्याद्रीतील आदिवासी महादेव कोळी - १९७४ डॉ . गोविंद गारे यांच्या अर्धवट व अपुरया माहितीच्या आधारे संशोधित पीएच . डी . शोधप्रबंधाना प्रा . विठ्ठल मारुती पाटील यांच्या पीएच . डी . शोधप्रबंधामुळे छेद मिळाला आहे . यामुळे सह्याद्री पट्ट्यात राहणाऱ्या पश्चिम महाराष्ट्रातील खन्या आदिवासी महादेव कोळी , डोंगर कोळी जमातीच्या सह अस्तित्वावर प्रकाश पडला असून महाराष्ट्र शासनाच्या आदिवासी विकास योजना भविष्यात राबविणेसाठी हा पीएच . डी . शोधप्रबंध पथदर्शी ठरणार आहे . हा प्रबंध पूर्णत्वास येण्यास मार्गदर्शक प्रा . डॉ . ए . के . हांगे , माजी प्राचार्य डॉ . बी . जी . सोनावणे , महात्मा बसवेश्वर महाविद्यालयाचे प्राचार्य डॉ . आर . एम . लखादिवे , भूगोल संशोधन केंद्राचे प्रमुख तथा विभाग प्रमुख प्रा . डॉ . एन . जी . माळी , प्राचार्य , वि . एस . अनिगुंठे , प्रा . डॉ . ओ . वि . शहापूरकर , प्रा . डॉ . एच . एस . वाघमारे , प्रा . डॉ . डी . सी . कांबळे , प्रा . एच . पी . पाटील , प्रा . पुनश्री फडणीस , प्रा . बसवंत पाटील , श्री . वाय . बी . पाटील व श्री . बी . एस . गुरव यांचे मार्गदर्शन मिळाले . तसेच त्यांना पीएच . डी . शोधप्रबंधासाठी आई - वडील , सहकारी प्राध्यापक , मित्र - परिवार व ग्रामस्थ यांची मोलाची साथ मिळाली . पश्चिम महाराष्ट्रातील आदिवासी महादेव कोळी जमातीवर संशोधन करणारे प्रा . विठठल मारुती पाटील हे पहिलेच पीएच . डी . संशोधक ( पीएच . डी . धारक ) आहेत .

जाहिरात

 
Copyright © 2025. All Rights Reserved by Awaj India.
Designed & Developed by Adhvik go Online
JSON Output

    
Settings
Theme
themes