सचिन जाधव यांनी केला विरोधकांच्यावर भ्रष्टाचाराचा आरोप
कोल्हापूर आवाज इंडिया
गडहिंग्लज शाखेतील ३५ लाख रुपयांचा अपहार,ॲपचा घोटाळा सत्ताधारी पॅनलला पराभवास कारणीभूत ठरणार असल्याचे मत सचिन जाधव यांनी आवाज इंडियाची व्यक्त केले. सभासद कप बशीतून चहा पिऊन विमानाला बाय-बाय करणार असंही जाधव यांनी सांगितले.
कोल्हापूर जिल्हा परिषद कर्मचारी सहकारी सोसायटीच्या निवडणूक प्रचारात सचिन जाधव बोलत होते. या निवडणुकीत जाधव हे राजर्षी शाहू स्वाभिमानी आघाडीचे नेतृत्व करत आहेत.
गडहिंग्लज शाखेकडील लॉकर्समध्ये सुरक्षित होती असे संस्थेचे चेअरमन व कारभारी संचालक सभेत किंवा प्रसिध्दी पत्रकामध्ये जाहिर करत होते. त्यामुळे गडहिंग्लज शाखेमध्ये रक्कम असताना संबंधित रक्कम कोल्हापूर येथील प्राथमिक शिक्षक बँकेत संस्थेच्या खात्यावर जमा केली असलेचे दाखविले आहे. तथापी शिक्षक बँकेची गडहिंग्लज येथेही शाखा आहे. तसेच जिल्हा परिषद सोसायटी व शाखाकडील बहुतांशी कामकाज के. डी. सी. सी. बँकेमार्फत खातेवर / कॅश क्रेडिट खातेवर केले जाते मग 12 लक्ष इतकी मोठी रोख रक्कम गडहिंग्लज येथून कोल्हापूर येथील शिक्षक बँकेच्या मुख्य शाखेत 12 फेब्रुवारी 2022 रोजी रोख भरणा करण्याचे कारणच काय ? तसेच गडहिंग्लज शाखेचे तत्कालीन व्यवस्थापक अरुण जाधव यांचे बंधू किरण जाधव यांना त्याच दिवशी 23 लाख रुपये कर्ज हे संस्थेच्या कोल्हापूर येथील मुख्य शाखेमध्ये नियमबाह्यरित्या रोखीने किरण जाधव यांच्या नावे जमा केल्याचे दाखविले आहे. असेही जाधव यांनी सांगितले.