कोल्हापूर : दिल्लीमध्ये विद्यार्थ्यांवर झालेल्या लाठीमाराच्या निषेधार्थ वंचित बहुजन आघाडीने गुरुवारी (दि. २३) महाराष्ट्र बंदची हाक दिली आहे. बंदमध्ये सहभागी होण्याचे आवाहन वंचित बहुजन आघाडीचे जिल्हाध्यक्ष जनार्दन गायकवाड यांनी पत्रकार परिषदेत केले. सकाळी १० वाजता शहरातील प्रमुख मार्गावरून दुचाकी रॅली काढत बंदचे आवाहन केले आहे. रॅलीसाठी सकाळी साडेनऊ वाजता राजर्षी छत्रपती शाहू समाधिस्थळ येथे एकत्र यायचे आहे. पत्रकार परिषदेला अतुल दिघे, सतीशचंद्र कांबळे, रघुनाथ कांबळे, सुवर्णा तळेकर, दीपक कांबळे, अरुण सोनवणे, संजय गुदगे, महाबोधी पद्माकर, नितीन कांबळे, आकाश कांबळे, अमित नागटिळे   आदी उपस्थित होते.