कोल्हापुरात उद्या 'पशुधनातील संतुलित आहार व वैरण पीक लागवड' तांत्रिक कार्यशाळेचे आयोजन; पालकमंत्री प्रकाश आबिटकर यांच्या हस्ते होणार उद्घाटन

​कोल्हापूर:

जिल्हा परिषद कोल्हापूरच्या पशुसंवर्धन विभागामार्फत जिल्हा वार्षिक योजना सन २०२६-२७ अंतर्गत चारा उत्पादन कार्यक्रमाचे आयोजन करण्यात आले आहे. या कार्यक्रमाचा एक भाग म्हणून 'पशुधनातील संतुलित आहार व वैरण पिकांच्या लागवडीबाबत तांत्रिक मार्गदर्शन कार्यशाळा' उद्या, सोमवार दिनांक १३ जुलै २०२६ रोजी आयोजित करण्यात आली आहे.

​कोल्हापूरचे पालकमंत्री तथा सार्वजनिक आरोग्य व कुटुंब कल्याण मंत्री मा. ना. श्री. प्रकाश आबिटकर यांच्या शुभहस्ते या कार्यशाळेचे उद्घाटन होणार आहे.

​प्रमुख व सन्माननीय अतिथींची उपस्थिती

​या कार्यक्रमाला वैद्यकीय शिक्षण मंत्री मा. ना. श्री. हसन मुश्रीफ, नगर विकास व परिवहन राज्यमंत्री तथा सह-पालकमंत्री मा. ना. श्रीमती माधुरी मिसाळ, राज्य नियोजन मंडळाचे कार्यकारी अध्यक्ष मा. आ. श्री. राजेश क्षीरसागर आणि जिल्हा परिषद कोल्हापूरच्या अध्यक्षा मा. श्रीमती शिल्पा खोत यांची प्रमुख अतिथी म्हणून उपस्थिती लाभणार आहे.

​याशिवाय जिल्ह्यातील खासदार मा. खा. श्री. धनंजय महाडिक, मा. खा. श्री. धैर्यशील माने, मा. खा. श्रीमंत शाहू छत्रपती यांच्यासह सर्व सन्माननीय आमदार, जिल्हा परिषदेचे विविध समित्यांचे सभापती आणि पदाधिकारी उपस्थित राहणार आहेत.

​प्रशासकीय अधिकाऱ्यांची विशेष उपस्थिती

​कार्यक्रमाला कोल्हापूरचे जिल्हाधिकारी मा. डॉ. विजय राठोड (भा.प्र.से.), जिल्हा परिषदेच्या मुख्य कार्यकारी अधिकारी मा. डॉ. जॅस्मिन (भा.प्र.से.) आणि पुणे विभागाचे प्रादेशिक सहाय्यक आयुक्त पशुसंवर्धन मा. डॉ. समिर बोरकर यांची विशेष उपस्थिती असणार आहे.

​कार्यशाळेची वेळ आणि ठिकाण:

​दिनांक: सोमवार, १३ जुलै २०२६

​वेळ: सायंकाळी ५:०० ते ७:०० वाजता

​स्थळ: राजर्षी शाहू सभागृह, शासकीय विश्रामगृह, कोल्हापूर

​या कार्यशाळेमध्ये तज्ज्ञांमार्फत पशुपालकांना आणि शेतकऱ्यांना जनावरांच्या संतुलित आहाराविषयी व आधुनिक वैरण लागवडीविषयी तांत्रिक मार्गदर्शन केले जाणार आहे. तरी जिल्ह्यातील सर्व पशुसंवर्धन व दुग्ध समिती सदस्य, पंचायत समिती सदस्य आणि पशुपालकांनी या कार्यशाळेस मोठ्या संख्येने उपस्थित राहावे, असे आवाहन अतिरिक्त मुख्य कार्यकारी अधिकारी श्री. संतोष जोशी आणि जिल्हा उपायुक्त डॉ. प्रमोद बाबर यांनी केले आहे.