कोल्हापूर;

आरती आर्दाळकर -मंडलिक यांनी शिवाजी विद्यापीठातून  पत्रकारितेची पदवी घेतली आहे. २००० साली कोरोना काळात  लेख लिहिण्यास सुरुवात केली. त्यांचे लेख पुढारी, लोकमत, पुण्यनगरी, तरुण भारत अशा विविध मराठी वृत्तपत्रांमध्ये प्रसिद्ध होतात. आतापर्यंत सत्तरच्या आसपास लेख प्रसिद्ध झाले आहेत. अमेरिकेतील राजकीय, सामाजिक, महिला, पर्यावरणविषयक तसेच चालू घडामोडींवर  लिखाण केले. पुण्यनगरी या वृत्तपत्रांमध्ये 'थेट अमेरिकेतून ' या नावाने सदर चालवले. ज्यामध्ये अमेरिकेतील आरोग्य, शिक्षण , वाहतूक, व्हिसा, वेगवेगळे सण, परंपरा अशा बऱ्याच गोष्टींची ओळख व माहिती आपल्याकडील वाचकांना लेखाद्वारे करून दिली. दिवाळी अंकात लेख असतात. नव्याने सुरु झालेल्या पुढारी वृत्तवाहिनीसाठी मंडलिक यांनी अमेरिकेतील काही घडामोडी कव्हर केल्या आहेत.

अमेरिकेत महिला कशाप्रकारे स्वावलंबी आहेत, त्या कशाप्रकारे स्वतःला घडवितात, त्यांची निर्णय घेण्याची क्षमता, त्यांचा स्वाभिमान, त्यांचे आयुष्य यांवर येत्या काळात लिखाण करायचा मंडलिक यांचा मानस आहे. जेणेकरून आपल्याकडील महिला स्वतःचे स्थान समजू शकतील, स्वतःला महत्व देऊ शकतील. त्यांच्या उल्लेखनीय कार्याची दखल घेऊन हा पुरस्कार त्यांना देण्यात येत आहे.