कोल्हापूर, ता. २४ : कोल्हापूर महानगरपालिकेचे उपमहापौर अक्षय विक्रम जरग यांच्या वाढदिवसानिमित्त विविध सामाजिक उपक्रमांचे आयोजन करण्यात आले आहे. वाढदिवसाच्या निमित्ताने केवळ शुभेच्छांचा कार्यक्रम न करता सामाजिक बांधिलकी जपत रक्तदान, आरोग्य तपासणी आणि नेत्र तपासणी अशा उपक्रमांचे आयोजन करण्यात आले असून, या उपक्रमांना नागरिकांचा उत्स्फूर्त प्रतिसाद मिळत आहे.

 

रविवार, दि. २३ ऑगस्ट रोजी शिवाजी पेठ येथील खंडोबा देवालयात रक्तदान शिबिर घेण्यात आले. या शिबिराला नागरिकांनी मोठ्या संख्येने प्रतिसाद देत तब्बल २४७ रक्तदात्यांनी रक्तदान केले. रक्तदानातून सामाजिक बांधिलकी जपण्याचा संदेश या उपक्रमातून देण्यात आला.

 

त्यानंतर सोमवार, दि. २४ ऑगस्ट रोजी आरोग्य तपासणी व नेत्र तपासणी शिबिराचे आयोजन करण्यात आले. या शिबिरात नागरिकांच्या विविध आरोग्य तपासण्या मोफत करण्यात आल्या. यामध्ये शुगर, कोलेस्ट्रॉल, हिमोग्लोबीन आदी तपासण्यांचा समावेश होता. तसेच नेत्र तपासणी शिबिरालाही नागरिकांचा उत्स्फूर्त प्रतिसाद मिळाला. डॉक्टरांनी नागरिकांच्या डोळ्यांची तपासणी करून डोळ्यांची योग्य निगा राखण्याबाबत आवश्यक मार्गदर्शन केले.

 

दरम्यान, बुधवार, दि. २६ ऑगस्ट रोजी उपमहापौर अक्षय जरग यांचा वाढदिवस साजरा होत आहे. या दिवशी शुभेच्छा देण्यासाठी येणाऱ्या नागरिकांनी पुष्पगुच्छ, हार अथवा इतर सत्कार साहित्य न आणता शालेय साहित्य आणून गरजू विद्यार्थ्यांना सहकार्य करावे, असे आवाहन करण्यात आले आहे.

 

वाढदिवसानिमित्त आयोजित करण्यात आलेल्या या सामाजिक उपक्रमांमुळे समाजोपयोगी कार्याला प्रोत्साहन मिळत असून, वाढदिवसाचा आनंद सामाजिक उपक्रमांच्या माध्यमातून साजरा करण्याचा संदेश या उपक्रमातून देण्यांत येत आहे.

 

कळावे,