के. एम. सी कॉलेज मध्ये "भू पर्यावरणीय दिन आणि 
संकल्पना" या पुस्तकाचे प्रकाशन सोहळा संपन्न....
कोल्हापूर महानगरपालिकेचे  
यशवंतराव चव्हाण (के. एम. सी.) कॉलेज, कोल्हापूर  येथे 
ग्रंथालय विभाग, भूगोल विभाग आणि अंतर्गत गुणवत्ता हमी कक्ष  यांचे वतीने "भू पर्यावरणीय दिन आणि संकल्पना” हे डॉ. युवराज मोटे  डॉ. भरत पाटील  कॅप्टन डॉ. अमित रेडेकर लिखित पुस्तकाचे प्रकाशन प्राचार्य डॉ. बाबासो उलपे, भरत बुटाले व गंगाधर दिवेकर यांचे हस्ते संपन्न झाले. संयुक्त राष्ट्र संघाच्या वतीने साजरे केले जाणारे आंतरराष्ट्रीय दिन महत्त्वाचे आहेत असे प्रतिपादन प्राचार्य डॉ.बी एन उलपे यांनी केले. भू पर्यावरण दिन हे जनजागृती करण्यासाठी महत्त्वाचे आहेत असे मत भरत बुटाले यांनी व्यक्त केले. यश प्रिंटर्सचे गंगाधर दिवेकर यांनी पर्यावरणीय संवर्धनाच्या दृष्टीने विद्यार्थ्यांना उपयुक्त हे पुस्तक आहे असा विचार व्यक्त केला.  डॉ. अमित रेडेकर यांनी
 भू पर्यावरणीय दिन आणि संकल्पना या पुस्तकाबद्दल भूमिका स्पष्ट केली. प्रविण साळुंखे ज्ञानज्योत प्रकाशन, पुणे यांचे वतीने या पुस्तकाचे प्रकाशन करण्यात आले आहे. या कार्यक्रमाचे आयोजन ग्रंथपाल आर आर मांगले, डॉ. संजय कांबळे व डॉ. जे एम शिवणकर यांच्या मार्गदर्शनाखाली करण्यात आले. कार्यक्रमाचे प्रास्ताविक आर आर मांगले यांनी केले तर  आभार डॉ संजय कांबळे यांनी व्यक्त केले. कार्यक्रमाचे सूत्रसंचालन डॉ. युवराज मोटे यांनी केले.या कार्यक्रमासाठी डॉ. रामेश्वर कांबळे व महाविद्यालयातील प्राध्यापक , प्रशासकीय कर्मचारी आणि विद्यार्थी उपस्थित होते.