Awaj India
Register
Breaking : bolt
*चांगल्या जीवनशैलीतून सामाजिक शांतता, राष्ट्रउभारणी शक्य – डॉ. बी. आर. कोरेभारतीय कर्मचारी संघ व भारतीय स्वाभिमानी संघाचे दुसरे महाराष्ट्र राज्य संमेलन २१ नोव्हेंबरलाडी. वाय. पाटील पॉलिटेक्निकचे यश कौतुकास्पद : ऋतुराज पाटीलमुलगा किंवा राजकीय व्यक्तींची स्वीकृत संचालक म्हणून नियुक्ती होणार नाही _ मुश्रीफ यांची स्पष्टोक्तीगोकुळ’ मध्‍ये वसुबारस निमित्‍त म्हैस व गाय-वासराचे पूजनअध्यक्षपदासाठी सतेज पाटील यांनी दोन संचालक द्यावेत; महायुतीची मागणीकोल्हापूरच्या विकासासाठी महापालिकेला भरघोस निधी उपलब्ध होईल-गडहिंग्लज तालुक्याचा दुष्काळग्रस्त तालुक्यांच्या यादीत तातडीने समावेश करा*गोकुळच्या अध्यक्ष निवडीत लोकशाहीचा गळा घोटू नका; आमदार सतेज पाटील यांचे आवाहनगोकुळमध्ये प्रशासक नियुक्तीच्या हालचालींना विरोध

जाहिरात

 

*डी. वाय पाटील अभियांत्रिकीच्या* *विद्यार्थ्यांची ‘इस्रो’ला भेट*

schedule13 May 24 person by visibility 492 category

कोल्हापूर ;

डी. वाय पाटील अभियांत्रिकी महाविद्यालयाच्या इलेक्ट्रॉनिक्स अँड टेलीकम्युनिकेशन विभागाच्या विद्यार्थ्यांनी बेंगळूर येथील भारतीय अवकाश संशोधन संस्था अर्थात इस्रोला भेट दिली. या अभ्यास दौऱ्यात विद्यार्थ्यांना इस्रो व त्या सबंधित संस्थांमधील संशोधकांशी प्रत्यक्ष संवाद साधण्याची संधी मिळाली.

इस्रो आऊटरिच प्रोग्रॅम या अंतर्गत भारतीय अवकाश (अंतरीक्ष ) संशोधन संस्थेशी संलग्न यु.आर. राव सॅटेलाईट सेंटर येथे विद्यार्थ्यांना विविध उपग्रह व त्यांचे प्रक्षेपण याबाबत माहिती देण्यात आली. यामध्ये आर्यभटट, मास ऑरबिटल मिशन, चांद्रयान मोहीम 1,2,3 याबाबतच्या प्रतिकृती पाहता आल्या. चांद्रयान -3 मोहिमेचा उद्देश, मोहिमेदरम्यान संशोधकांना आलेल्या विविध अडचणी, तांत्रिक बारकावे याबद्दल माहिती देण्यात आली. यानंतर उपग्रह निर्मिती व त्याची चाचणी केल्या जाणाऱ्या केंद्राला विद्यार्थ्यांनी भेट दिली. इलेक्ट्रो- ऑप्टिक्स सिस्टीम्स् प्रयोगशाळेला भेट देऊन विद्यार्थ्यांनी अनुभवी संशोधकांशी संवाद साधला. स्पेस अॅप्लीकेशनसाठी प्रगत ऑप्टिकल सिस्टीम आणि सेन्सरचा विकास आणि उत्पादनासाठी या ठिकाणी काम चालते. 

इस्रोच्या या भेटीमुळे अवकाश संशोधन क्षेत्रात सुरु असलेले कार्य व देशाने या क्षेत्रात घेतल्या मोठ्या भरारीचा प्रत्यक्ष अनुभव घेण्याची संधी विद्यार्थ्यांना मिळाली. अभियांत्रिकी व संशोधन क्षेत्रातील विद्यार्थ्यानी संशोधन आणि विकास क्षेत्रात काम करून देशाच्या प्रगतीमध्ये मोठे योगदान द्यावे असे आवाहन यावेळी संशोधकांनी केले. 

इस्रोच्या या भेटीनंतर विद्यार्थ्यांनी संस्थचे अध्यक्ष डॉ. संजय डी. पाटील यांची भेट घेऊन तेथे घेतलेल्या अविस्मरणीय अनुभव कथन केले. तसेच या भेटीसाठी अनुमती व प्रोत्साहन दिल्याबद्दल डॉ. पाटील यांचे आभार मानले.

या अभ्यास दौऱ्यासाठी विभागप्रमुख डॉ. तानाजीराव मोहिते-पाटील,प्रा. प्रांजल फराकटे, प्रा. रोहिणी गायकवाड यांनी नियोजन केले. विद्यार्थी प्रतिनिधी सुजल गावडे, तेजसिंह हराळे- भोसले, श्रेया साळुंखे व अंजली तगरकर यांनीविशेष परिश्रम घेतले. संस्थेचे अध्यक्ष डॉ. संजय डी पाटील, उपाध्यक्ष आमदार सतेज डी. पाटील, विश्वस्त आमदार ऋतुराज संजय पाटील, कार्यकारी संचालक डॉ. ए. के. गुप्ता, प्राचार्य डॉ. एस. डी. चेडे, रजिस्ट्रार डॉ. लीतेश मालदे, विभागप्रमुख डॉ. तानाजीराव मोहिते-पाटील यांचे मार्गदर्शन व प्रोत्साहन लाभले.

जाहिरात

 
Copyright © 2026. All Rights Reserved by Awaj India.
Designed & Developed by Adhvik go Online
JSON Output

    
Settings
Theme
themes