इस्पुर्ली पोलिसांची धडक कारवाई; निगवे खालसा येथे अवैध हातभट्टी दारू अड्डयावर छापा, तिघांवर गुन्हा दाखल
schedule30 May 26 person by visibility 646 categoryगुन्हे
चुये / प्रतिनिधी :
जिल्ह्यातील अवैध दारू धंदे आणि व्यवसायांचे समूळ उच्चाटन करण्याचे आदेश मा. पोलीस अधीक्षक सो, कोल्हापूर व अपर पोलीस अधीक्षक सो, उपविभागीय पोलीस अधिकारी सो (करवीर विभाग, कोल्हापूर) यांनी दिले आहेत. या आदेशानुसार इस्पुर्ली पोलीस ठाण्याच्या वतीने अवैध धंद्यांविरुद्ध धडक मोहीम हाती घेण्यात आली आहे.
या मोहिमेतर्गत इस्पुर्ली पोलीस ठाण्याकडील अधिकारी व कर्मचाऱ्यांनी निगवे खालसा (ता. करवीर) येथील ओढ्यावर सुरू असलेल्या अवैध हातभट्टी दारू तयार करणाऱ्या ठिकाणावर छापा टाकला. या कारवाईत पोलिसांनी ३०,००० रुपये किमतीचे ६०० लिटर दारूचे कच्चे रसायन घटनास्थळीच नष्ट केले, तसेच दारूच्या भट्ट्या व इतर साहित्यही पूर्णपणे उद्ध्वस्त केले आहे.
संशयित आरोपींवर गुन्हा दाखल
याप्रकरणी पोलिसांनी तिघांविरुद्ध महाराष्ट्र दारूबंदी कायदा १९४९ कलम ६५ (फ) प्रमाणे कारवाई केली आहे. गुन्हा दाखल झालेल्या संशयित आरोपींची नावे खालीलप्रमाणे आहेत:
१) गणेश जगदीश माटुंगे
२) अतिश दिलीप बागडी
३) रविंद्र जगदीश माटुंगे (सर्व रा. निगवे खालसा, ता. करवीर)
कारवाई करणारे पोलीस पथक
सदरची यशस्वी छापा कारवाई इस्पुर्ली पोलीस ठाण्याचे सहाय्यक पोलीस निरीक्षक अभिजित पाटील, सहाय्यक फौजदार सुरेश मेटील, पोलीस हवालदार प्रविण पाटील, पोलीस कॉन्स्टेबल अनिल पाटील, होमगार्ड अनिकेत कुंभार तसेच पोलीस पाटील जयदीप किल्लेदार व सुशांत तांबेकर यांच्या पथकाने केली आहे. या धडक कारवाईमुळे परिसरातील अवैध दारू विक्रेत्यांचे धाबे दणाणले आहेत.
