आपघातास कारणीभूत ठरले प्रकरणी राहूल रेखावार यांचेवर गुन्हा दाखल  करा
कोल्हापूर ;
सर्व प्राथमिक शिक्षक संघटना कृती समितीची मागणी 
कोल्हापूर दि. ०८ : वरिष्ठ व निवड श्रेणी प्रशिक्षणास वेळेत पोहचण्यासाठी जाणाऱ्या शिक्षकांचा आज चिपळूण रत्नागिरी येथे अपघात झाला. या अपघातास कारणीभूत ठरले प्रकरणी  राज्य शैक्षणिक व प्रशिक्षण संस्थेचे राहूल रेखावार यांच्यावर गुन्हा दाखल करून  त्यांना संचालक पदावरून हकालपट्टी कारवाई करावी अशी मागणी सर्व प्राथमिक शिक्षक संघटना कृती समितीचे  यांनी केली आहे.
      अपघाताची बातमी समाज माध्यमातून समजतात न्यू हायस्कूल येथे सुरू असलेल्या वरिष्ठ व निवड श्रेणी प्रशिक्षण स्थळी  जेवणाच्या सुट्टीच्या वेळेत एकत्रित येत सर्व शिक्षकांनी राहुल रेखावार यांच्या निषेधाच्या घोषणा दिल्या. " अपघातास कारणीभूत ठरले प्रकरणी राहुल रेखावार यांच्यावर गुन्हा दाखल करा...! राहुल रेखावल यांची संचालक पदावरून हकलपट्टी करा...! " अशा घोषणा देत शिक्षकांनी परिसर दणाणून सोडला.
      रियल टाईम प्रशिक्षणाच्या नावाखाली शिक्षकांना  सकाळी ९:३० वेळेत उपस्थित राहण्याची सक्ती केली आहे. ऑनलाईन उपस्थिती वेळेत न नोंदवल्यास त्या शिक्षकांचे प्रशिक्षण रद्द केले जाते. राज्यात अनेक केंद्रावर अनेक शिक्षकांचे प्रशिक्षण रद्द झाले आहे.
     आज रत्नागिरी येथील प्रशिक्षणासाठी वेळेत पोहचण्यासाठी निघालेल्या शिक्षकांच्या मिनी बसचा गंभीर अपघात झाला. या या बसमधून 25 पेक्षा जास्त शिक्षक प्रशिक्षण स्थळी पोहोचण्यासाठी प्रवास करत होते. यातील सहा ते सात शिक्षकांना गंभीर दुखापती झाल्या आहेत.
        अपघाताची जबाबदारी राज्य शैक्षणिक संशोधन व प्रशिक्षण संस्थेचे संचालक राहूल रेखावार यांच्यावर निश्चित करून त्याच्यावर गुन्हा दाखल करून त्यांची संचालक पदावरून हकालपट्टी करावी अशी मागणी सर्व शिक्षक संघटना प्रमुखांनी केली. यावेळी संघटना कृती समितीचे भरत रसाळे,राजेंद्र कोरे, सुधाकर सावंत, संतोष आयरे संजय पाटील सुरेश कांबळे  सुभाष धादवड सुनील पाटील इत्यादी उपस्थित होते.
.......................
 रियल टाईम प्रशिक्षणामध्ये एक ही रियल टाईम चाचणी परीक्षा झाली नाही. कोणत्याही चाचणी परीक्षेचे लिंक ओपन झाली नाही. रियल टाईम प्रशिक्षणाचा खज्जा उडाला.
.......................
 या प्रशिक्षणासाठी शिक्षकांकडून दोन हजार रुपये इतके शुल्क भरून घेण्यात आले आहे जवळजवळ आठ ते नऊ कोटीचा निधी यातून जमा झाला आहे. पण या प्रशिक्षणात शिक्षकांना चहा भोजन कोणत्याही सुविधा पुरविलेल्या नाहीत.
....................
 कोल्हापूरतील 29 हून अधिक शिक्षक प्रशिक्षणातून बाहेर. ऑनलाइन हजरीला पाच मिनिटं वेळ झाल्याचे कारण देत या शिक्षकांना प्रशिक्षणातून लिव्ह करण्यात आले आहे.
.................