कोल्हापूर (प्रशांत चुयेकर) 
माजी उपमहापौर विक्रम जरग, माजी नगरसेविका माधवी जरग यांच्या 40 वर्षाची राजकारणाची समाजकारणाची परंपरा पुढे नेणारे उप -महापौर अक्षय जरग यांचा आज वाढदिवस.

पारंपरिक पक्षाच्या लढतीमध्ये प्रभागात यशस्वीपणे विजयाचा झेंडा फडकविणाऱ्या अक्षय जरग यांच्याबद्दल कोल्हापुरात कौतुक वाटते. वडिलांनी सुरू केलेल्या समाजकार्याची परंपरा अक्षय यांनी पुढे चालवली आहे.
 25 वर्षापासून  आरोग्य शिबीर भरवत कोल्हापुरात एक वेगळा संदेश जरग कुटुंबीयांनी  दिला आहे. खंडोबा तालीम मंडळाचा अध्यक्ष, काँग्रेसचे जिल्हा शहर उपाध्यक्ष, स्कूल बोर्ड कमिटी आदी पदावर काम करत  विक्रम जरग यांनी कोल्हापूरच्या राजकारणावर वेगळा वचक निर्माण केला आहे. 
 उपमहापौर अक्षय जरग यांना काँग्रेस  पक्षाने निवडणुकीत उमेदवारी नाकारली असली तरी आपण स्वबळावर निवडणूक जिंकू शकतो  हे त्यांनी  कोल्हापूरकरांना दाखवून दिले आहे.
 जनसुराजचे संस्थापक अध्यक्ष आमदार विनय कोरे, प्रदेशाध्यक्ष समित कदम यांच्या मदतीने कोल्हापूरच्या विकासाची स्वप्ने त्यांनी रंगवली आहेत.
 कोल्हापूरच्या फुटबॉलला एक वेगळा दर्जा देण्याचे  जरग कुटुंबीय प्रयत्नशील आहेत. उपमहापौर पद सांभाळत असताना येणाऱ्या प्रत्येक माणसांची समस्या सोडवण्याचे काम अक्षय जरग करत असतात. थोड्याच दिवसात त्यांनी आपल्या वेगळ्या कामाची चुणूक महानगरपालिकेत दाखवली आहे. यापुढेही कोल्हापूरच्या राजकारणात जरग कुटुंबीय मोठ्या पदावर कार्यरत असेल याबाबत कोल्हापूरकर अपेक्षा बाळगून आहे