कोल्हापूर

यळगुड तालुका  हातकलंगले येथील अश्विनी सचिन कोरवी यांना कृती फाउंडेशन यांच्यावतीने यावर्षीचा 'आदर्श महिला पुरस्कार' जाहीर करण्यात आला. ८ मार्च रोजी स्मारक भवन येथे मान्यवरांच्या उपस्थितीत पुरस्कार वितरण समारंभ पार पडणार आहे.

महिला बचत गट स्थापन करणे त्यांचा विमा काढणे, अटल पेन्शन योजना, महिला गटांना व्यवसायासाठी कर्ज उपलब्ध करून देणे, बँक मित्र बँक सखीच्या माध्यमातून महिलांना आर्थिक सहाय्य करणे आदी कामात त्यांचा मोठा सहभाग असतो. त्यांच्या कार्याची दखल घेऊन त्यांना पुरस्कार देण्यात येत आहे.