कोल्हापूर :आवाज इंडिया प्रतिनिधी 

राज्यातील बहुजन समाजातील बेरोजगार व अन्यायग्रस्त तरुणांनी ऑनलाइन माध्यमातून स्थापन केलेल्या “कॉकरोच जनता पार्टी” या नव्या संघटनेला महाराष्ट्र बहुजन आघाडीने जाहीर पाठिंबा देण्याचा निर्णय घेतला आहे. यासाठी शुक्रवार दि. २९ मे २०२६ रोजी दुपारी १२ वाजता दसरा चौक, कोल्हापूर येथे एकत्र मेळाव्याचे आयोजन करण्यात आले आहे.

या मेळाव्यात . महाराष्ट्र बहुजन आघाडीचे अध्यक्ष प्रा. डॉ. अनिल माने, उपाध्यक्ष प्रमोद हुपरिकर यांच्यासह विविध मान्यवरांची उपस्थिती राहणार असल्याची माहिती आयोजकांनी दिली.

या कार्यक्रमात समाजातील विविध घटकांनी मोठ्या संख्येने सहभागी व्हावे, असे आवाहन करण्यात आले आहे. “बहुजनांचा आवाज बदलाचा साज” या घोषवाक्यासह सामाजिक व राजकीय परिवर्तनाचा संदेश देण्याचा प्रयत्न या मेळाव्यातून करण्यात येणार आहे.

कार्यक्रमास राजेंद्र कांबळे, प्रकाश हूल्लस्वार, सुरेश जत्राटकर, प्रा. सुहास निर्मळे, युवराज राजवाडे, किरण परवर्धन, सुरेश मालोकर, अमित कांबळे आदी मान्यवर उपस्थित राहणार असल्याचे पत्रकात नमूद करण्यात आले आहे.