राष्ट्रपिता महात्मा गांधी यांची जयंती दिनांक २ ऑक्टोबर रोजी भारतात व भारताबाहेरही अनेक देशामध्ये मोठ्या प्रमाणात साजरी केली जाते. भारताला स्वातंत्र मिळवून देण्यामध्ये महात्मा गांधीजींची भूमिका व त्यांचे कार्य अतिशय महत्वपूर्ण व प्रेरणादायी ठरली. आजही वर्तमान व भविष्यामध्ये सुद्धा महात्मा गांधीचे विचार व त्यांचे तत्वज्ञान संपूर्ण जगाला सत्य, अहिंसा, प्रेम, शांतता आणि एकात्मतेचा संदेश देणारे आहे. समाजातील प्रत्येक व्यक्तीने महात्मा गांधीजीच्या विचारांचा व तत्वज्ञानाचा आदर्श स्विकारला तर प्रत्येक देश अतिशय शांततेच्या मार्गाने मोठ्या वेगाने प्रगती करू शकतो.