रोहित पाटील यांचे आवाहन
प्रचंड गर्दीत आमदार रोहीत पवार आणि रोहीत पाटील यांची कदमवाड़ी चौकात शाहू महाराजांच्या प्रचारार्थ जंगी सभा
कोल्हापूर
ज्यांनी खासदार केले, त्यांच्याशीच गद्दारी करणाऱ्या गद्दार, बेटेंक्स खासदार संजय मंडलिक यांना या निवडणुकीत कायमचे घरी बसवा असे आवाहन रोहित आर. पाटील यांनी केले.
कोल्हापूर लोकसभा मतदारसंघातील महाविकास आघाडीचे उमेदवार शाहू महाराजांच्या प्रचारार्थ कदमवाड़ी चौकात झालेल्या जंगी प्रचारसभेमध्ये आमदार रोहित पवार आणि रोहीत आर पाटील या दोन्ही युवा नेत्यांनी खासदार मंडलिक यांच्यावर तोफ डागली. अकार्यक्षम, विश्वासघातकी खासदाराला त्यांची जागा दाखवा असे आवाहनही त्यांनी केले. अध्यक्षस्थानी खंडेराव घाटगे हे होते .
कोल्हापुरचे जावई म्हणून ओळखल्या जाणाऱ्या केंद्रीय गृहमंत्री अमित शहानी कोल्हापुरच्या विकासासाठी कोणता प्रकल्प आणला अशी विचारणा करत मंडलिक यांनीही पाच वर्षात जिल्ह्याच्या विकाससाठी काहीच काम केले नाही असा टोला पाटील यांनी मारला. बोलण्या पेक्षा कृतीवर भर देणाऱ्या शाहू महाराजांना किमान पाच लाखांच्या मताधिकयाने विजय मिळेल ,असा विश्वास त्यानी व्यक्त केला .
पंतप्रधान नरेंद्र मोदी यानी कोल्हापुरच्या सभेत बोलताना कोल्हापुरच्या फुटबॉल विषयी केलेला उल्लेख अप्रत्यक्षरित्या महाविकास आघाडीचे उमेदवार असलेल्या शाहू महाराजांचा प्रचारच होता ,असा दावा रोहित पाटील यांनी केला .त्यानी कोल्हापुरच्या फुटबॉल खेळाची आपल्या भाषणात घेतलेली दखल शाहू महाराजांनी कोल्हापुर स्पोर्ट्स असोसिएशन अर्थात के एस ए च्या माध्यमातून फुटबॉल खेळाच्या प्रगतीसाठी केलेल्या योगदानाची आठवण करुन देणारा ठरल्याने मोदींची सभा अप्रत्यक्षरित्या संजय मंडलिक याचा नव्हे तर शाहू महाराजांचाच प्रचार करणारी ठरली.
यावेळी माजी महापौर भीमराव पोवार, माजी नगरसेवक राजेश लाटकर, भारतीय कम्युनिस्ट पक्षाचे सतीशचंद्र कांबळे ,शिवसेनेचे ठाकरे गटाचे शहरप्रमुख सुनील मोदी ,माजी जिल्हाप्रमुख रवी चौगले , रुपा वायदंडे , रघुनाथ कांबळे, टी एस कांबळे ,डॉ माधुरी चौगले आदिंची भाषणे झाली .
या सभेस मालोजीराजे छत्रपती , आमदार ,जयश्री जाधव ,,राष्ट्रवादी शरद पवार गटाचे जिल्हाध्यक्ष व्ही बी पाटील ,शहराध्यक्ष आर. के. पोवार,शहर सरचिटणीस सुनील देसाई ,आम आदमी पक्षाचे पश्चिम महाराष्ट्र अध्यक्ष संदिप देसाई , माजी नगरसेविका पोवार तौफीक मुल्लाणी , स्मिता माळी ,डॉ वैभव माळी ,भारतीय कम्युनिस्ट पक्षाचे दिलीप पवार विक्रमसिंह घाटगे ,ऊत्तम भोसले ,नीलेश भोसले ,राजेन्द्र अत्याळकर ,उदय फाळके ,तात्या पाटील ,दीपकसिंह पाटील ,सलीम मदारी ,विशाल चव्हाण ,कांता चौगले दशरथ कांबळे ,शिवाजी कांबळे ,उज्वला चौगले ,रियाज सैय्यद आदि मान्यवर उपस्थित होते .स्वागत प्रस्ताविक सौ सीमा भोसले यानी केले तर राजेश लाटकर यानी आभार मानले .