सप्तगंगा कारखान्याचा नावासकट सहकारी धोरणांना तिलांजली देणाऱ्यांकडून राजाराम कारखान्याचा सहवीज निर्मिती प्रकल्प व भविष्यातील इथेनॉल प्रकल्प उभारणीला खोडा का घातला जातोय हा खरंतर गंभीर प्रश्न आहे. आता यांचेच नेते गोकुळच्या माध्यमातून माझ्या जिल्ह्यातल्या गोरगरीब दूध उत्पादकांच्या हक्काचे शेकडो कोटी रुपये बाहेर मुंबईला गुंतवायला निघालेत. पण आम्ही कारखान्याचे विस्तारीकरण करून इथल्या आमच्या युवकांच्या हातांना रोजगार देण्याचा, शेतकऱ्याला 4 पैसे जास्त मिळवून देण्याचा विचार केला तर यांना लगेच पोटशूळ उठायचं कारण काय ? एकंदरीत अविर्भावातून यांचा जिल्ह्यातून सहकार संपविण्याचा तरी डाव नाही ना ? असं वाटायला लागलंय.