कोल्हापूर:
वाटेगाव (ता. आष्टा) येथील प्रा. मनीषा बाबासाहेब कणसे -पाटील या गेली २५ वर्षे शिक्षण, समाजसेवा व महिला सशक्तीकरणाच्या क्षेत्रात कार्यरत आहेत. सध्या त्या आर्टस् कॉमर्स अ‍ॅण्ड सायन्स कॉलेज, आष्टा येथे सहाय्यक प्राध्यापक म्हणून कार्यरत आहेत.
त्यांनी B.A. (इतिहास–मराठी), M.A. (मराठी–हिंदी), B.Ed. (मराठी–हिंदी) अशी शैक्षणिक पात्रता मिळवली असून MS-CIT, टेलरिंग डिप्लोमा, शिवणकाम, भरतकाम, मेहंदी, ड्रायव्हिंग, NCC (C कॅम्प), योगा आदी विविध अभ्यासक्रम पूर्ण केले आहेत. वक्तृत्व, पाठांतर व भाववाचन या क्षेत्रातही त्या पारंगत आहेत.
महिलांना स्वावलंबी बनवण्यासाठी त्यांनी बचत गटांच्या माध्यमातून मार्गदर्शन, प्रशिक्षण व उद्योग उभारणीसाठी मदत केली आहे. महिलांसाठी विविध उपक्रमांचे प्रभावी आयोजन करून अनेक महिलांना रोजगाराच्या संधी उपलब्ध करून दिल्या आहेत.
आरोग्य, स्वच्छता, रक्तदान, अवयवदान जनजागृती, करिअर मार्गदर्शन, बालविवाह प्रतिबंध, व्यसनमुक्ती, NSS उपक्रम, होम मिनिस्टर स्पर्धा, सांस्कृतिक कार्यक्रम यांचे त्यांनी यशस्वी आयोजन केले आहे.
‘संतपूजा – संत संग , तसेच पंढरपूर व इतर तीर्थक्षेत्री कार्यक्रमांचे आयोजन, गावपातळीवर पंचक्रोशीतील विविध उपक्रमांत त्यांचा सक्रिय सहभाग राहिला आहे.
दरवर्षी ८०० ते १००० संतांच्या सहभागाने धार्मिक व सामाजिक कार्यक्रम आयोजनात त्यांचा मोलाचा वाटा असून विद्यार्थिनी व महिलांसाठी सहली, नववधू दर्शन, मार्गदर्शन शिबिरे यांचेही त्यांनी नेतृत्व केले आहे.
शिक्षक म्हणून ज्ञानदान आणि समाजसेविका म्हणून परिवर्तनाची जिद्द — असा प्रा. मनीषा बाबासाहेब कणसे -पाटील यांचा प्रवास आजच्या पिढीसाठी नक्कीच प्रेरणादायी ठरत आहे.